မကွေးတိုင်းဒေသကြီး
ရေစကြိုမြို့နယ် ရေလှံကျေးရွာ အထက် တန်းကျောင်းခွဲ၏ ကျောင်းဆောင် ပြိုကျ၍
ကျောင်းသူကျောင်းသား ၁၂ ဦးနှင့် ကျောင်းသားမိဘတစ်ဦး ဒဏ်ရာရရှိခဲ့ကြောင်း
အဆိုပါ ကျောင်းအုပ် ဆရာကြီး ဦးအောင်မြိုင်က ပြောကြားသည်။
ဇွန်လ ၃ ရက်နေ့ နံနက် ၈နာရီ မိနစ် ၃၀ တွင် ကျောင်းအစည်းအဝေးအပြီး
ပဉ္စမတန်း ကျောင်းဆောင် စင်္ကြံပေါ်သို့ ကျောင်းသား ကျောင်းသူ ၂၀ ခန့်
တက်ရောက်စဉ် လျှောက်တန်းပြုတ်ကျ၍ အောက်ခင်း ပျဉ်များပြိုကျ ခဲ့ရာ ကျောင်းသူ
၁၁ ဦး ၊ ကျောင်းသား တစ်ဦးနှင့် ကျောင်းသား မိဘတစ်ဦး
ဒဏ်ရာရရှိခဲ့ကြောင်း အဆိုပါ ဒဏ်ရာ ရရှိခဲ့သည့် ပဉ္စမတန်း ကျောင်းသူ
ကျောင်းသားများ၏ အတန်းပိုင် ဆရာမ ဒေါ်ရီရီမြင့် က ပြောကြားသည်။
ဒဏ်ရာရသည့် ကျောင်းသား ကျောင်းသူ ၁၃ ဦးအနက် လက်ကျိုးသွား သည့်
ကျောင်းသူတစ်ဦး၊ ကျောင်းသားမိဘတစ်ဦးနှင့် ကျောင်းသား တစ်ဦး ကို ရေစကြို
ဆေးရုံ၌ အရေးပေါ် တင်ထားပြီး ကျန်ကျောင်းသူ ကျောင်းသား များကို ၎င်းတို့၏
မိဘများက ပြန်လည် ခေါ်ယူသွားပြီဖြစ်ကြောင်း ဒဏ်ရာ ရသူများကို ဆေးရုံသို့
လိုက်ပါ ပို့ဆောင်ပေးသူ အထက်တန်းပြ ဆရာ ဦးမြင့်စိုးက ပြောကြားသည်။
အဆိုပါ ပြိုကျခဲ့သည့် ကျောင်းဆောင် ဆောက်လုပ်ထားသည်မှာ နှစ် ၄၀ ခန့်
ကြာမြင့်ပြီဖြစ်၍ ပြီးခဲ့သည့် ၂၀၀၇ ခုနှစ်က ပြန်လည်တည်ဆောက် ခွင့်
လျှောက်ထားခဲ့ရာ ယခုအချိန်ထိ ဆောက်လုပ်ခွင့် ပြန်ကျလာခြင်း မရှိသေးဟု
ကျောင်းအုပ်ဆရာကြီး ဦးအောင်မြိုင်က ပြောကြား သည်။
No comments:
Post a Comment