အစိုးရသစ် တက်လာပြီးနောက်

အစိုးရသစ် တက်လာပြီးနောက် သမ္မတ ဦးသိန်းစိန် ဘက်ကရော၊ သူရ ဦးရွှေမန်းဘက်ကပါ နှစ်ဦးစလုံး ၀န်မခံကြတဲ့တိုင် လုပ်ပိုင်ခွင့် အာဏာ နဲ့ ပါတ်သက်ပြီး အားပြိုင်မှု အကြိမ်ကြိမ် ရှိခဲ့ဖူးပါတယ်။ အလွန်ထင်ရှားကြီးကျယ်တဲ့ ကိစ္စ တစ်ခုကတော့ ဖွဲ့စည်းပုံ အခြေခံဥပဒေ ခုံရုံးကို လွှတ်တော်ဘက်က စွတ်စွဲပြစ်တင်မှု လုပ်တဲ့ ကိစ္စ ဖြစ်ပါတယ်။ နောက်ဆုံး ထင်ရှားတဲ့ အားပြိုင်မှုကတော့ ပြည်တွင်း ငြိမ်းချမ်းရေး ဖော်ဆောင်မှု ကိစ္စ ဖြစ်ပါတယ်။ သူရဦးရွှေမန်းက ကာ-လုံ လို့ခေါ်တဲ့ အမျိုးသားကာကွယ်ရေးနဲ့ လုံခြုံရေးကောင်စီ အစည်းအဝေး ခေါ်ဖို့၊ တစ်ပါတ်တစ်ခါလောက် ပုံမှန် ကျင်းပဖို့ တောင်းဆိုသည်အထိ အခြေအနေ ဖြစ်ခဲ့ပါတယ်။

“ ဦးသိန်းစိန် သမ္မတနေရာ ပြန်အရွေးမခံတော့ဘူးလို့ သူရဦးရွှေမန်းက ပြောလိုက်တဲ့အခါ ”

စည်သူအောင်မြင့်

ရန်ကုန်တိုင်းမ် သတင်းစာ၊ ၂၈-၁၀-၁၃။ စာ-၁၈။

ပြီးခဲ့တဲ့ အောက်တိုဘာ ၂၄ ရက်နေ့က ပြည်သူ့လွှတ်တော်ဥက္ကဌ သူရဦးရွှေမန်းဟာ နေပြည်တော်မှာ သတင်းမီဒီယာ တွေနဲ့ တွေ့ဆုံပြီး သတင်းစာရှင်းလင်းပွဲ တစ်ခု လုပ်ခဲ့ပါတယ်။ အဲဒီ သတင်းစာရှင်းလင်းပွဲမှာ အကြောင်းအရာ မျိုးစုံ ပြောဆိုခဲ့ပြီး ပြည်သူတွေအတွက် စိတ်ဝင်စားဖို့ကောင်းတဲ့ အကြောင်းအရာ အများအပြား ပါဝင်ခဲ့ပါတယ်။ ဒီအထဲ အကြောင်းအရာ တစ်ခုကတော့ သမ္မတ ဦးသိန်းစိန်ဟာ လာမယ့် ၂၀၁၅ ရွေးကောက်ပွဲမှာ သမ္မတ နေရာ ပြန်အရွေးမခံတော့ဘူးလို့ သူ့ကို ပြောတယ် ဆိုတဲ့အကြောင်း ပြောဆိုချက်ပါ။ တကယ်တော့ ဒီကိစ္စ အလွန်အရေးကြီးတဲ့ကိစ္စဖြစ်ပါတယ်။ တိုင်းပြည်မှာ အထွတ်အထိပ် နေရာရထားတဲ့ သမ္မတ တစ်ယောက်ရဲ့ ဒီလောက် အရေးကြီးတဲ့ ကိစ္စကို သူကိုယ်တိုင်မဟုတ်ပဲ၊ သူ့ရဲ့ ပြောရေးဆိုခွင့်ရှိသူမဟုတ်ပဲ၊ ပါတီ တစ်ခုလုံး ကိုယ်စားမဟုတ်ပဲ၊ သူက ပြောဆိုဖို့ တာဝန်ပေးထားခြင်း မရှိပဲ ဘာကြောင့် ပြောဆိုရတာပါလဲ၊ ဒီအတွက် ဘယ်လို အကျိုးဆက်တွေ ဖြစ်ပေါ်လာနိုင်သလဲ ဆိုတာ ဒီကနေ့ သုံးသပ်တင်ပြသွားပါ့မယ်။

သူရဦးရွှေမန်းရဲ့ ပြောဆိုချက် အပြည့်အစုံကတော့ ဒီလိုဖြစ်ပါတယ်။ “ နိုင်ငံတော် သမ္မတကြီးအနေနဲ့ လာမယ့် ၂၀၁၅ သမ္မတ သက်တမ်းမှာ ရွေးကောက်ပွဲမှာ နိုင်ငံတော် သမ္မတ နေရာကို အရွေးမခံတော့ဘူးဆိုတဲ့ သတင်းသည် မိမိကို နိုင်ငံတော် သမ္မတကြီးကိုယ်တိုင် ပြောဆိုပါတယ်။ ဒါကြောင့်မို့လို့ လူကြီးတစ်ယောက် ပြောတာဟာ အင်မတန်မှ တည်ကြည်ပါတယ်။ ဒါကြောင့် ၂၀၁၅ မှာ ရွေးကောက်ပွဲကာလမှာ လက်ရှိ သမ္မတ ဦးသိန်းစိန်သည် ၀င်ရောက်အရွေးမခံဘူးဆိုတဲ့ စကားက မိမိကို ပြောကြားတာက အမှန်ပဲ ဖြစ်ပါတယ်။ ” ။ ဒီနေရာမှာ သူရဦးရွှေမန်းက ဒီစကား ဦးသိန်းစိန်က သူ့ကို ဘာအကြောင်းနဲ့ ဆက်စပ်ပြီး ဘယ်နေရာမှာ ပြောတယ်၊ ဘယ်အချိန်က ပြောတယ်၊ ဘယ်လို သဘောပြောတယ်၊ စကားလုံးတိတိကျကျဟာ ဘယ်လို ဆိုတာကိုတော့ ထုတ်ဖော်ပြောဆိုတာမျိုးတော့ မရှိပါဘူး။ ဥပမာအားဖြင့် နှစ်ဦးသား သာမန်တွေ့ဆုံမှုမှာ ပြောဆိုတာလား၊ တရားဝင် အဲဒီကိစ္စ ဆွေးနွေးတိုင်ပင်ရင်း ပြောတာလား၊ သို့မဟုတ် အပြန်အလှန် အမြင်ချင်းဖလှယ်ရင်း ပြောတာလား၊ ပါတီ အစည်းအဝေးမှာ ပြောတာလား ကွဲကွဲပြားပြား ရှိဖို့လိုပါတယ်။

ဒီနေရာမှာ သမ္မတ ဦးသိန်းစိန်က အရေးပါတဲ့ ဆွေးနွေးပွဲ၊ အစည်းအဝေး တစ်ခုခုမှာ တရားဝင်ပြောဆိုချက်ဖြစ်တယ်၊ စကားလုံးကလည်း ဒီအတိုင်း တိတိကျကျ ဆိုရင် ပြောဆိုတယ်ဆိုရင် နောက်ပိုင်း ဒီကိစ္စ သူကိုယ်တိုင် ပြည်သူတွေကို အသိပေးမှာဖြစ်ပါတယ်။ အဲ တကယ်လို့သာ သာမန်တွေ့ဆုံမှု သာမန် စကားပြောဆိုမှုမှာ ပြောဆိုခဲ့တယ် ဆိုရင် ဒီ စကားလုံး ဟုတ်ချင်မှဟုတ်မယ်၊ တကယ်လို့ ဒီ စကားလုံးအတိုင်း ဖြစ်နေတဲ့တိုင် off the record သဘောမျိုးဖြစ်တဲ့အတွက် ဒီလောက် အရေးကြီးတဲ့ကိစ္စ ဘယ်သူမှ တရားဝင်သဘော ထုတ်ပြောလို့ ရနိုင်မယ်မဟုတ်ပါ။ ဒါနဲ့ ပါတ်သက်ပြီး သမ္မတရဲ့ ပြောရေးဆိုခွင့်ရှိသူ ပြန်ကြားရေးဒုဝန်ကြီး ဦးရဲထွဋ်က မက်ဆင်ဂျာ သတင်းစာကို ခုလို ရှင်းပြထားပါတယ်။ “ လိုတယ်ထင်ရင် ကိုယ်တိုင်ပြောပါတယ်။ ဘယ်သူ့ကိုမှ ကြားခံမပြောပါဘူး။ သူရဦးရွှေမန်း ပြောတဲ့ ကိစ္စဟာ သူတို့ လူကြီးချင်း တစ်ယောက်နဲ့ တစ်ယောက် အမြင်ချင်း ဖလှယ်တဲ့ဟာမျိုးပဲ ဖြစ်မှာပါ။ တကယ်တော့ နိုင်ငံတကာမှာ အဲဒီလို ကိစ္စရပ်တွေကို ပြည်သူတွေကို ကြိုတင်သဘောတူညီချက် မရှိလို့ရှိရင် ထုတ်ပြောလေ့မရှိဘူး။ ဒီကိစ္စမှာတော့ ပြည်ထောင်စုလွှတ်တော် နာယကကြီးအနေနဲ့ ဘာကြောင့်ပြောတယ် ဆိုတာ မသိဘူး။ ” လို့ ဆိုပါတယ်။

အလားတူ ဆဲဗင်းဒေး သတင်းစာကိုလည်း ခုလို ရှင်းလင်းပြောဆိုထားပါတယ်။
“ ဦးရွှေမန်း ဘယ်လိုသဘောမျိုးနဲ့ ဒါကိုထုတ်ပြောတယ်ဆိုတာကိုတော့ မသိပါဘူး။ ဒါပေမယ့် သမ္မတကြီးက သူ့သဘောထား ဆုံးဖြတ်ချက်တွေကို ပြည်သူထံ အသိပေးဖို့လိုရင် လိုအပ်တဲ့အချိန်မှာ တိုက်ရိုက် အသိပေးပြောကြားမှာပါ။ အခုလို ကြားလူကတဆင့် ပြည်သူကို အသိပေးဖို့ အကြောင်းမရှိပါဘူး။ ” လို့ ဆိုပါတယ်။ ခြုံငုံပြီး ပြောရရင် ပြည်သူ့လွှတ်တော်ဥက္ကဌ သူရဦးရွှေမန်းရဲ့ ပြောဆိုချက်ကို သမ္မတ က အတည်မပြုနိုင်ဘူးဆိုတဲ့ သဘောပါ။ ဒါပေမယ့် သူရ ဦးရွှေမန်းရဲ့ ပြောဆိုချက်မှာ အလွန်ကြီးကျယ်တဲ့ ရည်ညွှန်းချက် တစ်ခု ပါဝင်နေပါတယ်။ “ ဒါကြောင့်မို့လို့ လူကြီးတစ်ယောက် ပြောတာဟာ အင်မတန်မှ တည်ကြည်ပါတယ်။ ” ဆိုတဲ့ စကားလုံး အသုံးအနှုန်းပါ။ ဒီ စကားလုံး အသုံးအနှုန်းအရ သမ္မတကသာ သူရဦးရွှေမန်းပြောသလို သမ္မတ နေရာ ပြန်အရွေးခံမှာ မဟုတ်ဘူး ဆိုတာ မမှန်ပါဘူး လို့ ပြောလိုက်တာနဲ့ သမ္မတ တစ်ယောက်ဖြစ်ပြီး တိုင်းပြည်ရဲ့ အထွတ်အထိပ်နေရာ ရယူထားသူဖြစ်ပြီး “တည်ကြည်မှုမရှိတဲ့သူ” အဖြစ် စွတ်စွဲပြစ်တင်ပြီးသား ဖြစ်နေလို့ ဖြစ်ပါတယ်။

တကယ်တော့ အစိုးရသစ် တက်လာပြီးနောက် သမ္မတ ဦးသိန်းစိန် ဘက်ကရော၊ သူရ ဦးရွှေမန်းဘက်ကပါ နှစ်ဦးစလုံး ၀န်မခံကြတဲ့တိုင် လုပ်ပိုင်ခွင့် အာဏာ နဲ့ ပါတ်သက်ပြီး အားပြိုင်မှု အကြိမ်ကြိမ် ရှိခဲ့ဖူးပါတယ်။ အလွန်ထင်ရှားကြီးကျယ်တဲ့ ကိစ္စ တစ်ခုကတော့ ဖွဲ့စည်းပုံ အခြေခံဥပဒေ ခုံရုံးကို လွှတ်တော်ဘက်က စွတ်စွဲပြစ်တင်မှု လုပ်တဲ့ ကိစ္စ ဖြစ်ပါတယ်။ နောက်ဆုံး ထင်ရှားတဲ့ အားပြိုင်မှုကတော့ ပြည်တွင်း ငြိမ်းချမ်းရေး ဖော်ဆောင်မှု ကိစ္စ ဖြစ်ပါတယ်။ သူရဦးရွှေမန်းက ကာ-လုံ လို့ခေါ်တဲ့ အမျိုးသားကာကွယ်ရေးနဲ့ လုံခြုံရေးကောင်စီ အစည်းအဝေး ခေါ်ဖို့၊ တစ်ပါတ်တစ်ခါလောက် ပုံမှန် ကျင်းပဖို့ တောင်းဆိုသည်အထိ အခြေအနေ ဖြစ်ခဲ့ပါတယ်။
လက်ရှိ သူရဦးရွှေမန်းရဲ့ သတင်းမီဒီယာတွေကို ထုတ်ဖော်ပြောဆိုချက်ဟာ ကိုယ့်ရဲ့ ပါတီတွင်း အဓိက ပြိုင်ဖက်တစ်ယောက်ကို “ သူ ပြိုင်ပွဲမှာ ၀င်မပြိုင်ဘူးလို့ ကျွန်တော့်ကိုပြောတယ် ” ဆိုတဲ့ သဘောမျိုး ဖြစ်ပါတယ်။ ဘယ်လိုပဲဖြစ်ဖြစ် ဒီပြောဆိုချက်ရဲ့ အတွင်းသဘောကို ပြည်တွင်းပြည်ပ နိုင်ငံရေးသမား အတော်များများ သတိပြုမိကြပါတယ်။ အင်န် အယ်လ်ဒီ ပြောခွင့်ရ ဦးဥာဏ်ဝင်းကလည်း ဒီကိစ္စနဲ့ ပါတ်သက်ပြီး “ ကျွန်တော့် အမြင်မှာတော့ နိုင်ငံတော် သမ္မတ ပြန်ပြီးတော့ ရွေးကောက်ပွဲ မ၀င်ဘူး၊ သမ္မတ မလုပ်ဘူးဆိုတာ မသေခြာသေးပါဘူး။ သူတိုက်ရိုက်ပြောတာလည်း မဟုတ်ဘူး။ ကာယကံရှင်က ပြောမှသာ အတည်ယူလို့ရမှာပါ။ အရေးကြီးတဲ့ ကိစ္စရပ်တွေဟာ ခန့်မှန်းပြောဖို့ မသင့်ပါဘူး။ ” လို့ မက်ဆင်ဂျာ သတင်းစာကို ပြောခဲ့ပါတယ်။ အခုလောလောဆယ်မှာတော့ သူရဦးရွှေမန်းရဲ့ ပြောဆိုချက်နဲ့ သမ္မတပြောခွင့်ရသူ ထုတ်ပြန်ချက် တူညီမှု မရှိပါဘူး။

ဘယလိုပဲဖြစ်ဖြစ် ပိုပြီး ပွင့်လင်းမှု ရှိလာတဲ့ အနေအထားအောက်မှာ ပြည်သူတွေအနေနဲ့ လက်ရှိ တိုင်းပြည်ရဲ့ ဦးဆောင်တဲ့နေရာရယူထားပြီး နောင်လဲ ဦးဆောင်ဦးမယ် ဆိုတဲ့ နိုင်ငံရေးသမားတွေရဲ့ အပြောအဆို အပြုအမူတွေကနေ တဆင့် ဒီ ပုဂ္ဂိုလ်တွေဟာ တိုင်းပြည်ကို တကယ်ဦးဆောင်မယ့် နေရာပေးဖို့၊ ရွေးချယ် သင့်မသင့် စဉ်းစားချင့်ချိန်နိုင်တာမို့ ခု ပေါ်ပေါက်လာတဲ့ ပြသနာဟာ အကျိုးရှိတဲ့ ပြသနာတော့ ဖြစ်ပါကြောင်း သုံးသပ် တင်ပြလိုက်ရပါတယ်။

စည်သူအောင်မြင့်။

Sithu Aung Myint Facebook စာမျက်နှာမှ ကူးယူဖော်ပြသည်