Friday, August 23, 2013

သံလွင်မြစ်ရေ စိုးရိမ်ရေမှတ်ကျော်လွန် မော်လမြိုင် ၊ ၂၃-၈-၂၀၁၃


မော်လမြိုင် မြို့တွင် ယမန်နေ့ ညနေ ၄ နာရီ အချိန်က သံလွင်မြစ်ရေ စိုးရိမ်ရေ အမှတ်ထက် ကျော်လွန်၍ မော်လမြိုင် မြို့ ကမ်းနားလမ်း တစ်လျှောက် ၊ ဒိုင်းဝန်ကွင်း ၊ လှိုင် ၊ သာယာအေး ၊ ဇေယျာသီရိ ၊ မုပွန်မြို့ သစ်ဝိုင်း ၊ ကျောက်တန်း ရပ်ကွက် ၊ မောင်ငံရပ် ၊ ဘိုကုန်း ရပ်ကွက်များ တွင် ရေများလျှံ၍ အိမ်၏ အောက်ပိုင်းနှင့် တချို့ ကမ်းနားရှိ တဲများ ယိမ်းယိုင် ခဲ့ကြောင်း သိရသည်။ ကမ်းနားလမ်း တစ်လျှောက် ကားလမ်းများ ရေကျော်ခဲ့ ရာတွင် ဒေသခံ တစ်ဦးက " ကျွန်တော် မော်လမြိုင်မှာ နေလာတာ ၄၂ နှစ်ရှိပြီ တစ်ခါ ဒါမျိုး ရေတက်တာ တွေ့ဖူးတယ် ၊ လပြည့်ကျော် ၃ ရက်ဆိုရင် မြစ်ကမ်းနားမှာ ရှိတဲ့ အိမ်တွေ တစ်ဝက်လောက် ရေနစ်မြှုပ် နိုင်တယ် ၊ ဒါကြောင့် မြစ်ကမ်းနား မှာရှိတဲ့ အိမ်တွေ ရေတက်ချိန်တွင် ရေဘေးလွတ်ရာ သို့ ရှောင်နေ သင့်တယ် .... " ဟု ပြောကြား ခဲ့ကြောင်း သိရသည်။

The Myawady Daily

No comments:

Post a Comment